المعهد العالي للاتصالات والملاحة


 
الرئيسيةس .و .جبحـثقائمة الاعضاءالمجموعاتالتسجيلدخول

شاطر | 
 

 حديث النفس :/:

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
نينا ريتشي



انثى عدد الرسائل : 825
المهنة/التخصص : كمبيوتر
تاريخ التسجيل : 23/08/2009

مُساهمةموضوع: حديث النفس :/:   الثلاثاء فبراير 23, 2010 9:54 am

بسمـ الله الرحمن الرحيمـ ..
السلام عليكم و رحمة الله و بركاته ...
شلونكم بنات و شباب ان شاء الله بخير ..

اليوم حبيت أكتب ما يجول بداخلي و لو اكتب من الحين لي باجر ماراح اوقف عن الكتابة بس بكتب بعضها .. اول شي انا مرات احس ان حياتي مالها معنى او مالي مستقبل بهالحياة او مرات أسأل نفسي انا شنو أنجزت بحياتي سواء من ناحية الدنيا او الآخرة .. القى اني حييل مقصرة بحق نفسي .. انا الصراحة ظلمت نفسي اكثر من ظلمي للناس .. احس اني زهقت من الدنيا و اللي فيها طبعا مو دايما احس بهالشي احيانا .. مو تشاؤم مني لكن هالشعور يكون غصبن عني مادري اذا بعض الناس نفسي او لا .. او احس بأني من الداخل طفلة صغيرة ما تعرف الدنيا و اللي فيها .. احس اني فاقده شي بحياتي و ان شاء الله القى هالشي المفقود مادري احس اني حييل انسانة عاطفيه و مرات ما افكر بعقلي تلقونني دائما انجرف ورا عاطفتي .. شي حلو ان البنت تكون عاطفيه و مخلصة بحبها لكل الناس .. بس في امور لازم نفكر فيها بعقلنا مو بعاطفتنا .. و انا طبعا احس اني عكس هالشي مرات احاول افكر بعقلي بس ما اقدر من كثر الطيبة و الحب اللي فيني انسى كل شي و يمكن اكثر البنات نفسي .. الانسان له حاجات شكثرها و اكثرها مهمة بهالحياة و منها الحب بس اكثر الناس ما يعرفون معنى هالكلمة انا اصلا ما عشت الحب الحقيقي << انا عشته بس بسن المراهقة بس اللي عشته مجرد مشاعر و احاسيس عابره )) انا اعرف الاشياء اللي راح تخليني اعيش الحب على اصوله .. و اكبر دليل على اهمية الحب بحياة الانسان .. هالشباب و البنات اللي تكون بينهم مشاعر حب و هالسوالف بس اللي يعيشونه مو حب حقيقي و اكثرهم يقصون على بعض او تكون مشاعر عابره و بعدها ينسى كل شي ما كأنه حب يوم من الأيام و أنا اشوف ان الشباب ينسون اكثر من البنات لان البنت بطبعها مخلصة بحبها طبعا مو الكل .. انا اشوف ان الحب الحقيقي يصير بعد الزواج لان كلن راح يعرف الثاني عدل .. او ممكن يكون في اعجاب من قبل و بعدين يفكر يتزوجها .. الحب الحقيقي اترجمه بأن اثنين يعيشون مع بعض و كلن يشارك الثاني طموحاته همومه مشاكله يعيشون مع بعض ع الحلوه و المره .. انهم يخلصون في حبهم لبعض .. الحب و التفاهم شي مهم في حياتنا .. و اذا انعدم الحوار بين الناس ماراح يكون فيه تفاهم ابدا .. و لاني ما عشت هالتجربه بس ممكن ان احنا نتعلم شلون نحب شلون نخلص للحبيب نتعلم من غيرنا و اشياء كثيرة ممكن تخلينا نحب حب حقيقي لي آخر العمر .. تصدقون انا مرات اشتاق لهالشعور و مرات ما احس اني عايشه مع الناس من كثر ما افكر باشتياقي و حاجتي لشخص يكون جنبي كل يووم .. بس انا ما اعرفه جان زين لو اعرفه ؟؟؟؟ جان تمسكت فيه و لا هديته انا لا اعرفه ولا اعرف شكله و لا اعرف اسمه تقدرون تقولون شخص مجهول .. بس انا اقول اللي يبيني يدل بيتنا لاني اذا حبيت شخص ابي افتخر فيه جدام الناس و اتكلم عنه عند اهلي مو حب بالخش و الدس .. بس الحياة ما وقفت على هالشي في شغلات لازم نهتم فيها مثل صلاتنا << انا القى نفسي حييل مقصره بالنسبة لصلاتي و يا كثر ما فاتتني الصلاة بسبب النووم يالله لا تعاقبني )) برنا لوالدينا دراستنا .. الحياة ما وقفت على الحب اللي يكون بين اثنين مع ان هالحب من الاحتياجات اللي ما نقدر نعيش بدونها بس راح يجي وقتها ان شاء الله .. و لازم يكون لنا هم للآخره ما نركض ورا دنيا لا قرار فيها نعيش حياتنا بس ما ننسى ان في جنة و نار و ان في حياة راح نعيش فيها على طول رزقني الله و إياكم جنات النعيم .. اللي ماراح يتبع القرآن و السنة راح يكون انسان ضاااايع لان الله سبحانه رسم لنا منهج كامل لحياتنا الدينية و الدنيوية عشان نعرف الطريق اللي ممكن يوصلنا للخير و الصلاح و التوفيق في الدنيا و الآخرة .. انا مرات استغرب من كلام بعض الناس اذا تكلمت بشي عن القرآن و السنة ينادونني يالمطوعة .. هذا هو ديني هاذي هي حياتي انا ما جبت شي من عندي بالعكس انا عايشة على الفطرة السليمة و لو اني مرات اقع في بعض الأخطاء بس ممكن اني اصلحها و الله سبحانه راح يغفر لنا و يرحمنا برحمته الواسعة و انا مو ملاااك يطير في السما انا انسان و الانسان غير معصوم من الخطأ ..
انا احس ان بداخلي طاقة و ودي افجرها انا يمكن عندي مواهب بس لي الحين ما اكتشفتها .. و يا كثر ما حسيت بالاحباط و الحزن بحياتي و اذا ما لقيت احد يشجعني اشجع نفسي بنفسي عشان اقوم مرة ثانية و اكمل باقي حياتي و لولا الله ثم دعائي له و تشجيعي الدائم لنفسي و كلام بعض اقرب الناس لي ما كملت طريقي بهالحياة ..
الحياة صعبة و مشاكلها و همومها ما تخلص بس في من يتعايش مع المشكلة و يدور لها حل .. و انا بما ان عمري 19 <<بكمل العشرين بهالشهر ان شاء الله )) ما مرت علي مشاكل و صعوبات كثيرة لاني عايشه مع امي و ابوي و الحمدلله ما عندي مسؤوليات كبيرة .. توني صغيره تو ما بدا وقت الجد لما اكون زوجه وام راح تكون وراي مليون مسؤوليه الله يعيني بس ..
انا و لله الحمد ما اواجه مشاكل كثيرة عايشة حياتي مثل كل الناس .. لكنها حياة عادية هادية .. مافيها شي يخلي فيها احداث و تجارب اكثر .. طبعا ما في قلب بهالدنيا خالي من الهموم .. و انا كنت اواجه مشاكل مع نفسي و لكني تخطيت هالمشاكل و احس بقليل من التغيير بحياتي لان اللي مريت فيه خلاني ما اقدر اسوي شي او اني اطمح لشي بحياتي خلا الدنيا تسود بعيوني ومع هذا كله ما فقدت الامل باللي خلقني .. و اللي صار لي كان خيره بالنسبة لي لان اللي مريت فيه خلاني اتقرب من الله و اقوي ايماني فيه .. انتوا قووا ايمانكم بالله و ابشروا بكل خيرر .. و ان الله ما كتب شي لنا الا و له حكمة لا يعلمها الا هو ..
قال تعالى : (( و عسى أن تكرهوا شيئا و هو خير لكم و عسى أن تحبوا شيئا و هو شر لكم و الله يعلم و أنتم لا تعلمون ))
اللهم اجعل الحياة زيادة لنا في كل خير و اجعل الموت راحة لنا من كل شر .. اللهم آمين ..
النعم تحيط بنا من كل جانب و لكننا لا نحس بقيمة بعضها فالحمدلله على النعم الظاهرة و الباطنة ..
و هاذي نشيدة حبيت انكم تسمعونها و أتمنى انها تعجبكم ::

http://www.youtube.com/watch_popup?v=975WAVn5rvQ

سامحوني على الإطالة و أتمنى اني ما ثقلت عليكم بهالكلام ..
دمتمـ بحفظ الرحمن
أختكم :
نينا ريتشي ~
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Q8_84



ذكر عدد الرسائل : 282
المهنة/التخصص : تراسل
تاريخ التسجيل : 08/10/2009

مُساهمةموضوع: رد: حديث النفس :/:   الأربعاء فبراير 24, 2010 1:37 am

اهي اهي اهي ههههههههههههههه هبله جربتي كف على ويهج انا مامداني اغط فترة عنكم صرتيلي فيلسوفة يا نينا بس هين اوريج انتي وقروب الفصله الي عارفتهم هين

لحظه




لحظه

ا


اهي اهي
فيني دمعتين

اتشووووووووو
الحمدالله هذي عطسة بالغلط
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
نينا ريتشي



انثى عدد الرسائل : 825
المهنة/التخصص : كمبيوتر
تاريخ التسجيل : 23/08/2009

مُساهمةموضوع: رد: حديث النفس :/:   الأربعاء فبراير 24, 2010 4:59 am

ههههههههههههههههههههه يالمليق تتطنز انت و وجهك .. و بعدين انا ما اتفلسف كل كلمة طالعة من قلبي و حبيت اني اشارككم كل كلمة كتبتها ..
بس و الله قعدت ساعة و انا اكتب .. تقدر تقول موضوع متعوب عليه شوي ..
و ما عاش من ينزل دمعه من عيونك ..

منو اي قروب اللي تتكلم عنه ؟؟؟
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Q8_84



ذكر عدد الرسائل : 282
المهنة/التخصص : تراسل
تاريخ التسجيل : 08/10/2009

مُساهمةموضوع: رد: حديث النفس :/:   الخميس فبراير 25, 2010 12:11 am

نور عينك وولد عبس
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
نينا ريتشي



انثى عدد الرسائل : 825
المهنة/التخصص : كمبيوتر
تاريخ التسجيل : 23/08/2009

مُساهمةموضوع: رد: حديث النفس :/:   الأحد فبراير 28, 2010 8:39 pm

ايي نسيت ان احنا كنا قروب يوم من الايام .. اي قروب اي بطيخ ..
في اشخاص مروا بحياتي حتى لو ما اقدر اشوفهم متى ما ابي بس ما راح انساهم طوول عمري ..
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
حديث النفس :/:
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
المعهد العالي للاتصالات والملاحة :: المنتديات العامه :: منتدى الترحيب والتهاني والتواصل مع الأعضاء-
انتقل الى: