المعهد العالي للاتصالات والملاحة


 
الرئيسيةس .و .جبحـثقائمة الاعضاءالمجموعاتالتسجيلدخول

شاطر | 
 

 أستأذنك .. بسافر أيام .. و آجيك

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
نينا ريتشي



انثى عدد الرسائل : 825
المهنة/التخصص : كمبيوتر
تاريخ التسجيل : 23/08/2009

مُساهمةموضوع: أستأذنك .. بسافر أيام .. و آجيك    الخميس أغسطس 05, 2010 9:01 am




أستأذنك .. بسافـر أيـام .. وآجيـك

وإن طالـت أيّـام السفـر .. لاتحاتـي



حتى ولـو طوّلـت .. مانـي بناسيـك

ياللي بدونك .. ويش تسـوا حياتـي؟



تامر على حاجه؟؟ .. بودّعـك واليـك
عسى عوّض الايـام .. فـي المقبلاتـي



حتى يدي .. ماودّهـا تفـارق يديـك
ساكت .. وانا اشوف البلا في سكاتـي



ماشفتني لارحت منك .. ألتفـت فيـك
بـلاي والله (( روحتـي وإلتفـاتـي))



لكن قبـل مـاروح .. ودي أوصيـك
وانت الوحيـد اللـي يقـدّر وصاتـي



لاحدٍ سالك .. وقالك ((وين مغليك؟؟))
قل لـه: "لـوازم لاقضـاهـا بيـاتـي"



وإن طرّوا النسيـان .. مانـي بناسيـك
يـاراس مالـي فـي الحيـاة .. وغناتـي



وإن طروا السلـوان .. مانـي بساليـك
طيفك معي حتـى وانـا فـي صلاتـي



قلبي .. وهـو قلبـي إذا مـرّ طاريـك
لولا ضلوعـي .. كـان عـزوا مماتـي



لو جض صدري .. كان يمديـه ياتيـك
ويبـات عنـدك .. ويهنـى بالمبـاتـي



أنا .. وقلبي .. والغلا .. ساكـنٍ فيـك
وانته .. وقلبك .. والغلا .. وسط ذاتـي



غلاك .. مثل الحكـم عنـد المماليـك
أكبر طموحـي .. لا .. كـل أمنياتـي



شف فـي غيابـي أيّ حاجـه تسليـك
لاني بعدك .. أسلى مـع (( ذكرياتـي))



أحـاول أذكـر .. أي شـيٍ يطريـك
"وأقول هو سوا .. وانـا ذي سواتـي "



كني مـوادع .. كـل شـيٍ حواليـك
وكني حسبت حساب ((حزة وفاتـي))



أحب .. لاني مقدر انسـاك .. وآبيـك
ولا اقـدر أخليـك .. ياللـي تحاتـي



معنى أحب .. وماقدر أنسـى وأخليـك
((يعني بدونك ويش تسـوا حياتـي؟))


ـــــــــــــــــــــــ

Nina Ricci
~ في أمان الله ~
[/b]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ولـ عبس ـد



ذكر عدد الرسائل : 840
المهنة/التخصص : شبكات لاسلكيه
تاريخ التسجيل : 15/02/2009

مُساهمةموضوع: رد: أستأذنك .. بسافر أيام .. و آجيك    الأحد أغسطس 08, 2010 2:40 am

نينا؟؟؟ ابي اسئلك بجد؟ انتي من وين تجيبين هالقصايد؟


والله تسلم ايديينج الي نقلت لنا هالقصيده وصح الله لسان شاعرها المفروض هذي انا منزلها لاني سافرت 6 ايام رحت المستشفى وتنومت وسويت عمليه ونجحت والحين انا بخير والحمدالله على كل حاال

تروحين وتردين بالسلامه ودربج سمح ان شاء الله

وارد واقول تسلم ايدينج
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ملوك



انثى عدد الرسائل : 160
المهنة/التخصص : فني شبكات لاسلكية
تاريخ التسجيل : 04/09/2009

مُساهمةموضوع: رد: أستأذنك .. بسافر أيام .. و آجيك    الأحد أغسطس 08, 2010 8:26 pm

يعطيج العاااااافية خوووش قصيدة يسلم راعيها
وتروحين وتردين بالسلامة ياارب
راح نفقدج
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
نينا ريتشي



انثى عدد الرسائل : 825
المهنة/التخصص : كمبيوتر
تاريخ التسجيل : 23/08/2009

مُساهمةموضوع: رد: أستأذنك .. بسافر أيام .. و آجيك    الخميس أغسطس 19, 2010 2:01 pm

ولـ عبس ـد :
ما بغيت أسافر و لا أحط قصيدة في المنتدى و لقيت هالقصيدة و اعجبتني
لأنني صاحبة إحساس مرهف .. geek
صح الله بدنك
ايي الحمدلله على سلامتك و ما تشوف شر إن شاء الله .
الله يسلمك كلك زووء ..


ملوك :
الله يعافيج عزيزتي , ايي والله خوش قصيدة .

و تسلمون على هالمرور الطيب ,, حـيــّاكم الله . flower


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عبدالله العازمي



ذكر عدد الرسائل : 86
المهنة/التخصص : كهربا والكترونات
تاريخ التسجيل : 11/05/2011

مُساهمةموضوع: رد: أستأذنك .. بسافر أيام .. و آجيك    الأربعاء مايو 11, 2011 2:52 am

لكن قبـل مـاروح .. ودي أوصيـك
وانت الوحيـد اللـي يقـدّر وصاتـي

لحول لحول أنا أموت بقصايد الفراق ليش مدري صح لسانج وتقبلي مروري وودي ارد ببيت واحد يمكن ينال على أعجابج ويقول

ســافرت وقــــصدي بسفر بس أخليه

وأثر السفر زاد الغلا يوم خليته

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
أستأذنك .. بسافر أيام .. و آجيك
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
المعهد العالي للاتصالات والملاحة :: المنتديات العامه :: قسم الشعر والقصيد-
انتقل الى: