المعهد العالي للاتصالات والملاحة


 
الرئيسيةس .و .جبحـثقائمة الاعضاءالمجموعاتالتسجيلدخول

شاطر | 
 

 أنواع من القصيد

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
عبدالله العازمي



ذكر عدد الرسائل : 86
المهنة/التخصص : كهربا والكترونات
تاريخ التسجيل : 11/05/2011

مُساهمةموضوع: أنواع من القصيد   الإثنين مايو 16, 2011 7:09 am

بسم الله الرحمن الرحيم

السلام عليكم ورحمة الله وبركاته
هذي مجموعة من ابيات الشعر اقدمها لكم واتمنى ان تنال على رضاكم واعجابكم
والرجاء على من يقرا هذه الابيات يعطيني رايه بأجمل بيوت منها او يكتب رقم البيت


1-عطني وعد ماأشوف أنامنك هجران
واعطيك كل الحب وأعطيك عمري

2-اكتب لغيره والقصايد تجي فيه
كن القصايد حالفه ماتخونه
يمكن لو يلمس الجرح بيديه
يستغرب ان اللي لمسها طعونه



3-أحدن فعوله بالمراجل تثابيت
واحدن يشابه بالفعايل خواته



4-المشكله ماهي حكاية كرامه
حنا خسرنا بسبتك ناس غالين



5-تصبح على خير ياصوت(ن) يسامرني
يدفي شعوري ليامن عانق اسماعي
ليمن سمعته يسرّيني وياخذني
مدري على وين ياخذني وانا واعي ؟
أنسى من الناس دام انه مواصلني
أبحر معا نبرته وارفع له اشراعي



6-جى يشوف الحال كيفه بعد ما هزه حنينه ..
وقبل يسألني سألته كيف حالك يالحبيب ؟
قال انا كني غريب مضيع دروب المدينه ..
قلت انا كني مدينه تنتظر رجعة غريب !!



7-مديت يدي يمها وصافحتني
وليتي سلمت ولا لها اليد مديت
حسيت انا في شيء يوم امسكتني
شيء كما الكهرب نتلني وفزيت



8-ليه تطعني وانا ميت بليا ؟
ماكفاك اللي حصللي قبل ساعه ؟
كن بين همومي وبينك حميا ..
جيتكم واحد وجيتوني جماعه ..
انت منا والمصايب من هنيا ..
كلكم ضدي ترى ماهي شجاعه !!



9-أبي وعد..ما احتمل فيه انتظارك
و أبي ليل .. مايجي بعده نهارك
ودي أدري..هي حياتي اختياري..أو اختيارك
ودي أنسى..ليلة وعدك..أنسى وعدك..ما أجيك
وش يضرك .. لو أخونك ..مره و اختارك عليك



10-لاهمني قربك ولاهمني رضاك
والله ولا ذكرى بقلبي تجيبك
ليله لقانا حطها حدر ماطاك
عسى وهمها في الليالي نصيبك



11-وكتبت اسمك وطرزته خفوقين وسهم وحروف
وكتمت السر في صدري غرام طالت سنينه
وإذا غرك هوى نفسك تصبّر وانتظر وتشوف
من اللي ياصل العليا ومن اللي تقصر يدينه
واذا قصدك تهددني تراك اسديت لي معروف
طريقٍ كنت ماحبه وقلت اليوم يازينه
دخيلك حل عن دربي ووفر لعبك المكشوف
ترى روحتك عن دربي وربي ماهي بشينه



12-ياللي جرحت القلب ليه المعاذير
جرحتني لا تترك الجرح تذكار
وشلون ابصبر كان شفتك مع الغير
وانا الذي عليك من نفسي اغار



13-ان كان قصدك تجرح الروح وتروح
عندي كفايه مابقى من جروجي
وان كان غرك قولت الناس مملوح
هذي عبارة ماتناسب طموحي



14-قال لو حبيت غيرك وش تقول؟
قلت احاول قد ما اقدر امنعك
قال لو عيت تطاوعك الحلول ؟
قلت أحبه يابعد عمري معك !



15-انا بليت بحبكم من هبالي .
ولا انت ظلن مالنا فيه منزال .
خيرك لغيري والشقا والعنا لي .
والمشكل انا فاهمن كل الاحوال .



16-أسمحيلي مابقى فيني مكان تطعنينه
وأقبلي من جوف قلبي كل عطفه وأمتنانه



17-يا صاحبي خذ للحبيب رسالتي
فعسى يرى بين السطور الأدمعا
بلغه أني في الغرام متيم
والقلب من حد الفراق تصدعا



18-أحبج مصنوعة من سكر فتاك
قد سمعت بحياتك سكرٍ يذبح؟
أنا كذا أذوقها ليمن نطقها فاك
لذيذة لذة في هالحشا تجرح
كرر أحبج وعدها لي جعلني فداك
كانك تكرمت ياروحي ولو تسمح
وشلون تلعب بطعم السالفة بشفاك؟
تجذب مسامع حبيبك لين مايسرح



19-ماني مقصر وان تخاذلت قلي
والله لا احطك بعيوني واغطيك
من ذاق مر الحب لازم يحلي
مرمرتني في عيشتي وين حاليك؟
خل العناد اللي براسك يولي
اخاف لاتصغر بعيني واخليك



20-لعنبو قصة غرام كل ابوها كلمتين
ابتدينا عند احبك وانتهينا عند باي
تونا ما بعد مشينا فالهوى لو خطوتين
وانتهى الموضوع كله حتى ماأعرف ويش خطاي
انتهى الموضوع هيك بكل سهوله تحكمين
وين احبك؟وين اريدك؟وين ساكن في حشاي؟



21-يكاد فضيض الماء يخدش جلدها
إذا اغتسلت بالماء من رقة الجلد



22-ليتني دم بوريدك أدخل القلب واشوف
هل انا ساكن بوسطه او احد غيري لفاه
ليتني حبر بيدينك اقلب افكارك حروف
اكتب اللي قد كتمته وما تبي غيرك يراه
ليتني ظل بنهارك ليتني بليلك طيوف
اسهر الليل بخيالك واسمعك لا قلت آه
ليتني كلك وكلك..ليتك بحالي تشوف
غيرة العاشق مصيبه والمصيبه في هواه



23-أخوض ُ الليل في سهدٍ وقومُُ طاب مرقدهم
فأي الدهرُ أبكاني وكيفَ الدهر ِ أسعدهم
لأجل ِ العين ِ تبكيهم فأجفاني تناشدهم
يغيثوها من الدمع ِ أليس َ الدمع ِ موردهم



24-ياقلب إن ترضى بعيشي فانني
ساقتات من حزني وأشربُ دمعي
وأهجي المحبة َ في الجموع ِ فانها
قد أفقدتني عيدي واطفت شمعي



25-ياراحلاً وفؤادي في حقيبته
وهناً لديه لكن غير مضمون
تركتني في شجوني للورى مثلاً
يميتني الوجد والأشواق تحييني



26-أغدا ألقاك يا خوف فؤادي من غدِ
ياَ لشوقي واحتراقي في انتظار الموعدِ
آه كم أخشى غدي هذا وأرجوه اقترابا
كنت أستدنيه لكن هبته لما أهابا
وأهلت فرحة القرب به حين استجايا
هكذا أحتمل العمر نعيما وعذابا
مهجة حرة وقلبا مسه الشوق فذابا



27-أسافر في عينيك أبحث عن مأوى
أيا رحبة الأحداق ياعذبة النجوى
نسيت على أهدابك السود عالمي
وحلَّقت مشتقاً مع الأنجم النشوى
أبحرية العينين وردية الشذى
تحرضني أمواج عينيك أن أهوى



28-تدري ؟ متى! تخنقني العبره وأحس أني وحيد
لا قلت تامرني بشي؟ وقلت لي سلامتك



29-ماهي بالعادة وينك.. عسى العلم خير؟
ليه نايم حبيبي قبل لا أسمع أحبك؟
بين كيف ولماذا .. لذت بأقصى الزفير
احتريت اتصالك واستحيت اتصل بك
ما تخّيلت أنام وما تكون الاخير
تسمع أنفاس قلبي ضحكتين بقربك
نام..تصبح حبيبي على الف خير
صحني لما تصحى انا نايم بقلبك!



30-الجرح ماهو خاطر شوي ويروق
الجرح حتى لوتشافى يعلك



31-بعدك عذاب محرق قلبي احراق
وقربك اماني قلب حبك حيابه
بحق الذي يخلق وللعبد رزاق
عن حب غيرك سكر القلب بابه
جتك المشاعر ضاميه حيل تشتاق
تسألك حبك.. وش تكون الاجابه



32-الصبح ماهو طلعت الشمس للكون
واليوم ماهو يوم لو مر دونك
تدري لو ان الامر بيدي وش يكون؟
تعلن صباح الناس طلة عيونك!



33-بس الخفوق اللي تبيه؟الله ياصغر الطلب
ياصاحبي لاتستحي من شي ودك تكسبه
لبيه ياعمري فدتك أهل الملامة والعتب
لبيه كثر اللي عشانك كنت أضيفه واشطبه
يامن لعبت بحسبة اللي محدن به قد لعب
قل وش بقى بك مايفر العقل فر ويسلبه



34-لاحس ؟ لاطاري؟ ولا حتّى خبر
فجاة كذا تمشي؟ ولاقلت بتروح؟
وماقلت حتّى أستسمحك بعض العذر؟
شتكلّفك بالّله من وقت مسموح؟
على الأقل ..ماكنت أتأمّل تمرّ !
وأضحك على قلبي وأسلّيه بجروح؟



35-سواها قلبي ياحبيبي وحبك
ماطاعني وانا عن الحب ناهيه



36-يقولون العرب صدر الشمالي مايضيق بساع
وانا اقول الصدور اليوم ماعادت شماليه
بدت في داخلي ضيقه عجزت القى لها مطلاع
تغيب وترجع وترجع تغيب ومالها نيه
عمتني كلمة جتني وضقت وضاق صدر القاع
الا يالله لاتجزى غشيم قالها فيه



37-تضيق بي الدنيا بكبرها من معابيس الوجيه
وهذاك لامنه تبسم شفت للدنيا طرف
مني وليه احببته اهو حبني منه وليه
من غير لا أنا اعترف ومن غير لاهو يعترف



38-كم سؤال مات في صدري جوابه
وكم اجابه حية قبل السؤال
السؤال يتيه في ليل سرا به
والاجابه ثابته في كل حال
والسؤال اللي له بنفسي مهابه
ليه احبك حب جاوز للخيال

39-ابكيتني وانا احسب انك تكره بكاي
اثرك تلذذ في دموعي وانا ابكي

مع تحياتي لكم أخوكم:
عــــ ـــبــــ ــــد الــلـــه الـــ ـــعــــ ـــازمــــ ــــي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
فيصل العنزي



ذكر عدد الرسائل : 37
المهنة/التخصص : كهرباء وإلكترونات
تاريخ التسجيل : 19/04/2011

مُساهمةموضوع: رد: أنواع من القصيد   الإثنين مايو 16, 2011 5:25 pm

سـلـمت يمنـاك ولاهنت طال عمرك
كلك ذوووق فديتك عجبني البيت .
الصبح ماهو طلعت الشمس للكون
واليوم ماهو يوم لو مر دونك
تدري لو ان الامر بيدي وش يكون؟
تعلن صباح الناس طلة عيونك!
اهديه حق فديتني احبني *_*
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عبدالله العازمي



ذكر عدد الرسائل : 86
المهنة/التخصص : كهربا والكترونات
تاريخ التسجيل : 11/05/2011

مُساهمةموضوع: رد: أنواع من القصيد   الثلاثاء مايو 17, 2011 9:46 pm

يعطيك العافيه على مرورك وماتقصر
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
أنواع من القصيد
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
المعهد العالي للاتصالات والملاحة :: المنتديات العامه :: قسم الشعر والقصيد-
انتقل الى: